寶琳的足球賽~ 1st time

今日終於都如佢所願, 去睇佢踢波.

山長水又遠咁由葵芳去到寶琳, 要成55分鐘...
真係好遠好遠~ 好遠~
睇夜波最慘就係散光... 搞到我有D位完全睇唔到...
下次配con睇嚟都要加散光度數先得嘞~
 雖然睇得唔清楚, 但我睇到呢場球賽都係精彩嘅~
3比2... yo~


 食飯時, 同場加映~ 我們的1st Time生日禮物~

傻婆 vs Baby

女人是一種感官十分細緻而又很容易滿足嘅動物.
只要男人的一句溫柔說話, 就變得赴湯蹈火、在所不辭~

或許, 當初妳就是因為一句連他自己說了也不知道的字句便滿心歡喜.
繼而開始了為他賣命的生涯.

妳, 曾否因為他安慰妳時溫柔的說了一句: "傻婆, 不要傷心~"又或是他跟妳聯繫時他用了"Baby~"或"豬豬"來稱呼妳 , 而令你滿心歡喜呢?

一位不會說情話的男人, 你打死他也不會說的了,
千萬不要奢望他能為你改變什麼.
相反, 如果妳遇上是一位會說情話的男人,
那麼, 女人們也該收斂一下妳的飄飄然...
他們既然學會了說, 就不會吝嗇的使用.
因為在他們的立場上, 所有女人都是豬、 Baby & 傻婆.成年和正常的, 都只有他們自己.

身體健康

有朋友去做身體檢查嘅時候,
竟然發現左胸有纖維瘤... ...
當佢通知我嘅時候, 我成個人呆左...
搞到我成朝早做野都心不在焉...

"病"呢件事, 我一直都採取"拖字闕",
不理不聽不聞... 遮住對眼過日子.
但今次, 實在係有D擔心同害怕.

今日成日都係度替朋友擔心. 反之, 佢自己又好似無咩事咁..
一直係度諗, 朋友唔好彩, 咁後生就發現D咁嘅野要做手術.
但係諗深一層, 越早發現, 成件事唔係變得更加好咩?
最起碼可以減少痛苦, 又唔需要面對生離死別先丫~
決定了, 我都要盡快做返個身體檢查先得.
朋友.. 希望妳好快無事, 手術順順利利~


  希望大家都可以健健康康~
我討厭病魔!!!

Mes Amis @MK

又輪到Cherry同我慶祝生日嘞~
因為Cherry好事將近, 所以今次就約埋朱同學一齊食飯派怗,
由於大家住嘅地方都比較遠, 所以我就選擇左旺角嘅朗豪坊,
咁樣就大家都方便就腳啦... ... (雖然我係極之討厭旺角人多車多... )

呢排唔知做咩, 勁鐘意食西餐...
明明知道西餐係極之罪惡嘅食物, 但係依然好想食,
千揀萬揀, 最終決定去13樓嘅Mes Amis去延續我嘅"意大利式生日之旅"

坐底左睇menu時先至知道, 完來可以叫幾家唔同餐廳嘅野食...
本來想試埋另一家嘅凍蝦... 可惜唔記得左點... 失敗~
不過Mes Amis嘅芝士磨菇意粉都very yummy yummy~

今日既可以食飽飽, 又可以又禮物收... ... 仲有一大堆兒事嘅趣事回憶...
好似時光倒流咁... ... 真係好懷念... ...
唔知仲有無機會一大班人咁再去火車頭坐下傾下計咁呢??

咱家(東北菜) @東莞-長安

咱家(東北菜) @東莞-長安

已經下定決心, 以後出trip都要食好D,
將開會當成是旅遊... 感覺就沒那麼難受 .......

漁川 - 枇杷豆腐魚湯米線

位於荃灣沙咀道嘅呢間漁川米線係我最鐘意食嘅米線,
就算飲哂成碗魚湯底都依然無口渴感, 真正做到"完全不加味精"
而且價錢合理,
除左一般嘅餸可以選擇之外, 佢地仲有原條魚跟魚湯米線.
真係Yummy Yummy~

不過, 試過幾次發覺呢家店只限於食同魚有關嘅食物.
豬排、雞排類, 同埋杯珍珠奶茶就真係差左D嘞~

您的生日飯

您的生日飯

收工雖然攰... 但為左慶祝你嘅生日,
所以想親自下餐, 煮你鐘意食嘅野.
可惜, 你作感冒... 我仲整熱氣野同埋雞湯.
雖然你話你係西人....
但其實我真係幾嬲自己... ... 嬲自己嘅唔細心同無記性...

大閘蟹

大閘蟹

好耐無食大閘蟹嘞~
今日又再次相遇. 感覺比之前好好多.
或者因為蟹膏唔多... ... 所以無再覺得頂住頂住,
睇嚟, 我都係窮命人嘅腸胃... 受唔起D好野.


後話:其實, 女人到底係一種乜野動物?
點解我成日都會遇到一D對別人要求高, 但自己質素底嘅人?
如果將所有人都當成"阿四"而將自己抬得高高在上,
咁樣其實又有乜野好處?? 
得到別人幫忙, 然後又要發小姐脾氣... 真係好煩厭
久不久扮下大體又何仿呢? 

百利試裙

已經係第三次去呢間舖頭啦~
今次試完條裙, size唔岩,
sales話最快十月尾先可以改好.
佢竟然建議我自己拎出去比人改,
話大約$40就搞掂喎, 我當堂成個人O哂嘴.
如果我拎去其他舖頭改, 咁人地改錯左, 我點算?

試完裙, 為左避開人群, 選擇左比較少人一點嘅尖東食飯.
行嚟行去都諗唔到食咩, 發現一間茶餐廳, 但客人極少...
但實在諗唔到食咩好, 所以都入左去,
結果, 除左杯奶茶"鞋"左d, 同埋碗湯係有味精之外,
d飯都唔錯~

2011年生日飯の一

2011年生日飯の一

話咁快又一年.... 今年生日飯又開始開幕.
如果無記錯, 應該係前一年嘅事,
當時我地一行三人去左尖沙咀嘅小肥羊打邊爐,
仲有一個Hello Kitty嘅公仔同埋天使蛋糕做禮物.
(( ** 我記得的~ ))
唔經唔覺, 原來已經兩個年頭了.
今次雖然少了個人, 但亦無傷大雅.
一切依然來得高興,

人不需要多, 亦不需要任何奢華的事,
只要在歡笑聲中渡過... 一切一切都是會是美好的.
我~ 就喜歡這樣.... .... 我就是我...

May May~ ~  

芒果乳酪蛋糕+杏仁曲奇+手指餅

一直處於睡眠不足狀態下嘅我,

今日竟然出奇地”晨早起床,清新開朗”

仲有時間出大家樂食早餐… 而且係堂食.

係咁煩忙嘅都巿可以咁樣優哉悠哉食個早餐

真係嘗心樂事.

食完早餐, 仲有可以係商場閒逛一陣先歸家.

返到屋企, 又要準備下今日嘅第二站,

但, 唔知係咪太早起身嘅關係,

開始有D恰眼瞓, 同埋唔想去上堂了~

        

記得好耐之前, 試過自己係屋企整可可曲奇,

結果出到嚟, 比石頭更硬…

但今次上堂見阿sir整得好輕鬆, 又快…

所以, 我決定有機會就要返屋企再整過.

唔可以因為一次失敗就放棄架嘛!

試用期

試用期

如果你能清醒一點, 就會知道熱戀時所說的, 都是只是大家的夢想...
能不能實現, 還只能靠時間去認證.
一開始時, 一切都美好, 一切都能磨合.
什麼事情都說大家很相似,
愛吃的,愛玩的, 生活中的... ... 全都能吻合.
跟本就不可能會有什麼合不來的種子存在.
但其實, 種子一直都在, 而且一開始便已經在靜靜地發芽成長.
一般在兩個月左右便已成形, 長命一點的, 三個月也必能成形.
所以, 不難理解, 試用期為何往往都訂在三個月.
其實, 對比起一生一世, 三個月實在算得上是一個很短的時間,
不論工作上, 感情上, 首兩個月都會過得比較愜意.
但兩個月過了... 一切都會有所改變,
上司會對你有所要求, 情人變得已經習慣了你的存在.
習慣了, 就變成了是理所當然....
同一屋簷下, 卻各自修行... 相信大家都不難理解.

三個月後的你們... ... 憮心自問... ...
每個星期, 放了多少時間心血去了解你身邊的人呢?
相比起以往, 溝通的時間又有沒有慢慢的減少呢??
抱著電腦及電話的時間比抱著情人的時間那個比較多呢??
你需要的, 是一位能互相了解的人, 又抑或是一位同床異夢的租客呢??? 

Hershey's - Cookies n' Creme

Hershey's - Cookies n' Creme

明明呢隻朱古力係勁甜勁漏...
但係偏偏就好愛佢...
愛~ 應該係無得解釋~

壓力煲 VS 真空煲

壓力煲 VS 真空煲

人類還是要在失敗中才能成長.自從上月底滿心歡喜咁係DSC買左個電子壓力鍋.好開心咁試左幾次…. 結果都係煲出一潭死水之後. 打過去維修部問, 聽電話個女人死都要人搬埋個煲去比師父睇. 結果, 美好嘅星期六變得仲辛苦過返工, 大汗疊細汗不特止, 仲要連地址都改左又唔出聲, 害我搬住個煲兜來兜去… … 其實如果講多句”我地改左地址”, 提醒客戶地址係有變, 又有幾難??總好過你一大堆地址又快又急咁o翕出嚟比人聽囉!結果咪又係要重覆再講多一次… 經過師父一大輪詳細講解之後, 發現原我夢寐以求嘅, 原來叫做真空煲, 並非壓力鍋… 其實我覺得呢d名稱真幾有誤導成份… … 原來真空煲係將煲熱左嘅成物密封, 用裡面嘅熱力將食物整熟, 大約需要幾個鐘頭先可以完成..
而壓力鍋嘅, 其實只係將時間縮短嘅煲,比如平時煲湯要2個鐘, 但用壓力鍋就只需要35分鐘.所以… 電子壓力鍋跟本就應該叫做”快速煲”.
(但係我係想要飲老火湯囉…. 無奈)所以要飲靚湯, 其實係應該買一個真空煲
我感覺好有欺騙成份… …. 依家無拿拿多左個電飯係度…. 可唔可以去消委會告佢呢?? 我想要個真空煲….. 呀~

奶奶飯

奶奶飯

記得大約一年前去廣州工幹o個陣,

o係午飯時間, 我見有一位同事拎出佢嘅飯盒嚟出食,
我好奇之下走上前問: o依~ 你食咩呀??
佢好Warm咁同我講: 奶奶飯囉~

今日, 我望住自己嘅lunch box... ... 笑了~

了解了嗎?

了解了嗎?

好多人都話, 嗌交可以更了解對方,
但我認為嗌交不但傷了和氣,
而且唇槍舌劍之間, 攻擊性言詞所做成嘅永久傷害,
並不一定可以一朝一夕就能化解... ...
而且, 又有誰能擔保過程中的都全都是真心話?
要用罵戰來了解對方? 這是什麼定律?

如果兩人相處有問題, 何不大方說出??
我敢相信, 說的肯定比用嗌的好, 而且更能接受, 成效更大!
除非, 係為"搵交嚟嗌"搏分手就另當別論

破瓶子

破瓶子

瓶子破了, 有些人選擇丟掉.
如果是很喜歡的瓶子破了, 有些人會用心修補回來.

但, 破瓶子終究是破瓶子.
修補了, 外觀上或許看不出有裂痕,
但在深深處, 那道裂痕依舊存在.
那時候, 無論你往瓶裡灌多少的水,
水也只會從裂縫中慢慢的、一點一點的滲出來.

破了就是破了... ...  破了的, 不一定能修回來.

牛之抗拒症+A1 lunch

牛之抗拒症+A1 lunch

自從同左個唔食牛嘅人一齊之後,
搞到自己每次次食牛o個陣, 都會無明咁產生一種罪惡感... ...
今日早餐只係係o係聖安娜買o左個"咖喱牛肉飽"
罪惡感已經滿瀉... ...
或者, 可能終有一日我都會變成一位無牛者的說.




     
今日難得有佢機會嚟陪我食Lunch,
我都偷雞早少少出去,
是日午餐係A1嘅set lunch... ...
一向覺得A1麻麻地嘅我, 感覺仍然無改變過.
而佢叫嘅德國腸配焗薯, 竟然將焗薯變成薯蓉,
哈哈... ... 雖然兩樣野都係用薯仔做, 但完完全全係兩回事囉.
A1始終都未能o係我心目中加分.

蜂蜜紅豆蛋糕 + 法式麵包布甸+芒果布甸

蜂蜜紅豆蛋糕 + 法式麵包布甸+芒果布甸

蜂蜜紅豆蛋糕1) 紅豆先浸軟約8小時 (可以電飯煲, 其間需要換水三次)
2) 蛋白  75g(約3隻)  +  砂糖 70g 打至濕性泡沬.
    (蛋白打至起泡, 砂糖分2次加入)
3) 蜂蜜 30g + 菜油 50g 混合
4) 低筋粉 120g + 泡打粉 1-2g
先將(1)放少許在模底, 餘下的與2+3+4混合, 放模內.
預熱焗爐至180度, 焗大約25分鐘.  

法式麵包布甸1) 方包抺牛油, 炕成金黃色
2) 提子乾適量
3) 撻水 (布甸水)
    a. 雞蛋     5隻
    b. 砂糖     75-100g
   (a+b打散)
    c. 鮮奶
將麵包切三角型放入錫紙模內, 倒入布甸水加提子乾,
加水放焗爐180度焗大約20分鐘.

---

芒果布甸1) 芒果啫喱粉 10g + 魚膠粉 10g + 砂糖 35g 混合均勻
2) 芒果一個 打汁
3) 牛奶 或 椰汁 150g
全部混勻加入模中放雪櫃凝固.

---

---