C.Ling: 11月 2011

2011年11月28日星期一

蕃茄薯仔肉片通粉

番茄2個+薯仔1個                    $6
肉片                                          $15
通粉1包                                     $5.5 ($11/2包)

先下薯仔煮冧
再下番茄煮約15分鐘
最後將已調味的肉片加入
最後加鹽調味

2011年11月26日星期六

CAC BBQ

數數手指，原來相識已經有五個年頭。
記憶中只有第一次約埋一齊燒野食係最人齊，
然後一直都只得小貓三四隻。
難得五年後嘅今日依然可以有咁多人出席，真係唔話得。
不過CAC嘅聚會次次都係燒野食，會唔會有啲悶先？

P.S - 今日係燒烤場竟然撞到佢，唔知佢見唔見到我？
初初都有諗過打聲招呼，但後來諗深一層，都係算啦！

2011年11月19日星期六

Cherry & Sam's Wedding

等左成年, 終於得到今日...

郭小姐終於明正言順咁成為顏太太.

第一次做伴娘嘅我, 由尋晚開始陪佢上頭,

到今日一大早就去化妝set頭,

雖然真係好攰好眼瞓, 而且過程中亦頻頻有意外發生,

但大家都好努力咁一一解決... (^^v)

今日全日, 遇到了三個感動位都差d喊左出嚟...

1/ 郭媽媽飲茶時

2/ 簽婚書時

3/ 郭小姐致謝詞時

眼濕濕的我忍著忍著... 無比人發現... 哈哈~

一直以嚟我都覺得結婚只不過係一紙婚書,

結婚晚宴過後, 一切都會跟以往一樣, 唔會有任何改變.

但其實, 這張婚書已包含著大家對未來的期望,

有真真正正希望與對方斯守到老嘅意願, 係彼此間的誓諾.

亦可以算係步入人生另一個階段嘅分岔口.

婚禮有人會選擇簡單的, 亦有人會希望盛大一點,

但無論選擇如何, 最重要的, 還是身邊那位願意給你承諾的人.

在此, 除了希望顏伉儷可以白頭到老之外,

亦希望身邊所有朋友都可以搵到自己嘅MR. Right

少點爭吵, 多點忍耐, 日子都會過得快樂輕鬆一點.

2011年11月17日星期四

壯士斷腕

呢個, 係一個我認為都幾準下嘅塔羅占卜 "竹貓星球聖三角塔羅占卜"

今日, 我又再次問下自己嘅問題,

結果出來, 竟然自己嘅想法不謀而合... ...

(分別只在於"鏡子"&"瓶子" 吧?)

唔知呢d係咪就係個天比我嘅啓示?

其實, 心裡面都幾難受, 但又有咩辦法?

朋友講過, 2個人相處, 唔係要學會"忍"... 而係要學會"就"

如果互相遷就變成互相死忍... 一定唔會有好結果...

當初大家咬牙切齒, 講明有咩都要拎出嚟講, 唔好咩都放係心.

但最終結果大家都有目共睹... ...

如果再一直維持現狀... 相信鏡子不單會破...還會變成粉碎!!!

2011年11月16日星期三

突然間記起，
第一次同珠女慶祝生曰係喺我哋剛讀F.1嘅時候。
我哋一行四人，拎住部相機就出發到綠楊新村影相。
嗰一次，仲係我第一次真真正正自己同同學仔出去玩。
仲好記得，嗰次爹哋要我晏晝三點鐘前返到屋企。
我當時好趕好趕咁跑返去，
就喺分針指正12、電話響起之際，
我喺大門隔著鐵閘大叫＂我回來了，時間剛剛好！＂
當時，媽咪笑了，她應該是覺得我好可笑吧？
但那時的我只知道，這次不能遲到的，不然，就以後都沒得想要出去玩！
（當然，無論結果如何，應該都改變不了我以後不願歸家的宿命吧？）

這次再跟珠女慶祝，數數手指也許差不多已經有20個年頭了！
回想起來，跟他一起經歷的事情實在也不算少！
我們上課的日子，蹓連商場的日子，只顧拍拖不回家的日子，
許許多多的童年往事回想起來，便能感覺到這就是我們的「青春」。

2011年11月6日星期日

Sacher 蛋糕

Sacher 蛋糕都可以唔算太難整,
但係呢... 到最後一part要將成個蛋糕都上朱古力醬,
就覺得, 自己一定唔會係屋企做....

蕃茄芝士火腿沙律

今日上完堂, 又去左IKEA買野, 所以無時間去買食送,
又一次用屋企僅餘嘅食材用嚟做晚餐...
煮左d急凍餃子同埋整左個沙律,
當沙律遇上芝士... 咁就Yummy Yummy 啦 (thumbs up)

McDonald's消失的芝士

食McDonald's本來係一件好開心快樂嘅事,

但係屢次遇著比欺騙, 真係覺得氣憤.
自從推出$20餐之後,
葵盛東村呢一間McDonald's嘅魚柳飽從此就無再見過完整嘅芝士嘞

2011年11月5日星期六

想不起來 @荃灣

小時候很喜歡下課後四處蹓達,
除了Karaoke房以外, 就是"想不起來"了!
到了長大後讀Diploma時,
仍是與同學仔到這裡用膳,
事隔幾年, 這裡已人面全非,
食品、飲料的質數都下降了,
留下的, 就只剩餘僅有的回憶了!

旅遊的意義

喜歡旅遊的我, 每年的大部份時間都喜歡待在家裡,
等到資金充裕一點, 有假期時, 就到外地遊走一下.
那怕沒人陪, 我也可以孤身上路!! 又不是沒試過... (laughing)

每天努力的工作, 為的就是這僅有的幾天,
這幾天, 亦是我每一年中的精華.
因為只有這幾天, 我才能好好的忘記工作、忘卻煩腦.
每次出門身體上的透支會變得比平常工作多,
身體雖然變得疲倦, 但心靈上是得到輕鬆的.
晚上亦會睡得甜一點.

或許, 我個人就是因為精神壓力大 (應該有點病態的說)
一年365日, 我就只有這幾天能放得底所有, 好好享受一下.
每次去完旅行回來, 感覺整個人都會變得開朗及輕鬆一點.
因為, 就算旅程有多糟, 也會是難得的體驗.
每次得到的所見所聞, 將會終身受用, 亦一世難忘~
這是我個人專屬的經歷、回憶.
因為只有親身經歷, 才能明白"世界這麼大"的道理~
沒有踏足過, 你就永遠不會知道巴黎的艾菲爾鐵塔有多高、
羅馬的許願池有多靈驗、比薩斜塔到底有多斜...

我不希望永遠看著 "瞬間看地球" 過日子.
正如一位足球員, 並不會希望只有看著電視的份兒...

足球可以一星期不間斷的踢2次,
而我希望的, 只是一年2次的放鬆放鬆.
大家都各有所求~
所以不要打斷我的, 正如我不去打斷你的一樣~

2011年11月3日星期四

芝士白汁焗海鮮飯

用哂屋企所有急凍材料整左個芝士白汁焗海鮮飯,

因為今日收工好攰好攰, 所以無再自己整白汁,
改用最方便快捷嘅金寶忌廉磨菇雞湯做白汁.
然後將青口、帶子、龍脷柳用香草、香葉、檸檬汁同埋鹽出一出水.
加埋最愛嘅芝士撈一撈、焗一焗, 咁就搞掂. (thumbs up)

雖然感覺做得有D hea... ... 但~~~ 咁鬼攰... OK啦~

婦檢

今日收工, 終於o的起心肝出去做檢查,
因為自從朋友講完佢嘅事之後, 我就日日坐唔安、食唔落.
o係等嘅過程, 真係好緊張, 成個人震哂.
入到去, 連問醫生o野都口震震, 詞不達意.
到檢查時, 雖然用左好少時間, 但係就覺過得好漫長咁...

做完檢查就要等報告了...
有一份可以星期六攞, 但另一份要星期二先有.
醫生叫我星期二先一次過去拎,
不過怕死嘅我, 叫左醫生如果無問題我就星期二先一次過攞,
但如果有問題, 就要打電話比我, 我即刻去拎...
結果, 睇完醫生同未睇醫之生一樣都係咁緊張....

梳乎厘

1/ 打起蛋白4隻 +糖 100g
2/ 奶100ml + 水100ml
放滾水中加熱至杰身 (因為有奶, 所以不可以煮滾)
3/ 蛋黃2隻 + 麵粉2湯匙攪成糊狀
4/ 將 (1) + (2) + (3) 拌勻
5/ 用牛油&糖霜將小焗杯塗滿四周
將麵糊裝至8成滿
6/ 預熱焗爐250度, 加水焗約8分鐘
7/ 灑上糖霜, 完成