Cherry & Sam's Wedding

等左成年, 終於得到今日...

郭小姐終於明正言順咁成為顏太太.

第一次做伴娘嘅我, 由尋晚開始陪佢上頭,

到今日一大早就去化妝set頭,

雖然真係好攰好眼瞓, 而且過程中亦頻頻有意外發生,

但大家都好努力咁一一解決... (^^v)

今日全日, 遇到了三個感動位都差d喊左出嚟...

1/ 郭媽媽飲茶時

2/ 簽婚書時

3/ 郭小姐致謝詞時

眼濕濕的我忍著忍著... 無比人發現... 哈哈~

一直以嚟我都覺得結婚只不過係一紙婚書,

結婚晚宴過後, 一切都會跟以往一樣, 唔會有任何改變.

但其實, 這張婚書已包含著大家對未來的期望,

有真真正正希望與對方斯守到老嘅意願, 係彼此間的誓諾.

亦可以算係步入人生另一個階段嘅分岔口.

婚禮有人會選擇簡單的, 亦有人會希望盛大一點,

但無論選擇如何, 最重要的, 還是身邊那位願意給你承諾的人.

在此, 除了希望顏伉儷可以白頭到老之外,

亦希望身邊所有朋友都可以搵到自己嘅MR. Right

少點爭吵, 多點忍耐, 日子都會過得快樂輕鬆一點.